PDK e Podujevës përjashton Donjeta Jakupin e cila votoi sot kryesuesin e LDK’së.

PDK e Podujevës përjashton Donjeta Jakupin e cila votoi sot kryesuesin e LDK’së, njoftojnë burimet e PodujevaPRESS brenda këtij subjekti.

Partia Demokratike e Kosovës dega në Podujevë ka përjashtuar nga radhët e saj Asambleistën Donjeta Jakupi e cila gjatë ditës së sotme, në kundërshtim me qëndrimin e Grupit të këshilltarëve të PDK’së në Kuvendin Komunal të Podujevës, ka votuar për kandidatin e Lidhjes Demokratike të Kosovës pë kryesues të Kuvendit Komunal të Podujevës, Fatmir Gashi.

Gjatë ditës, është marrë vesh nga burimet tona se Grupi i këshilltarëve të PDK’së, ka kërcënuar kryesinë e degës në Podujevë me largim nga përfaqësimi i kësaj partie, në rast se nuk e shkarkon znj. Jakupi e cila në momentin e fundit, nxorri nga kriza e numrave LDK’në Podujeve, duke thyer qëndrimin politik të grupit dhe kundër vullnetit të elektoratit opozitar në Podujevë. PodujevaPRESS.com