Cili ishte plani i opozitës për zgjedhjen e kryesuesit në Podujevë

Sot, kur ishte thirrur seanca e jashtëzakonshme e kuvendit Komunal të Podujevës për të bërë zgjedhjen e kryesuesit, pavarësisht se u dështojë plani megjithatë sipas burimeve të PodujevaPRESS.com, opozita në Podujevë kishte një plan.

Pas shumë takimeve siq mëson PodujevaPRESS nga burimet e saja, opozita në Podujevë kishte rënë dakord për emrin e kryesuesit. Avni Islami nga Organizata Balli Kombëtar Demokrat dega në Podujevë ishte më i pranueshmi si kryesues konsensual nga të gjitha partitë opozitare VV, PDK, AAK dhe OBKD.

Foto: Avni Islami

Plani ishte që meqë kryesuesi nuk do të mund të zgjidhej sepse LDK dhe Partia e Drejtësisë kishin vetëm 16 asambleist kurse opozita bashkarisht VV=9, PDK=7, AAK=2 dhe OBKD=1 gjithsejt ishin 19 vota, votimi për kryesues do të përsëritej opozita tek në raundin e tretë do ta propozonte kandidatin e saj z.Islami.

Mirëpo, Agim Veliu siq edhe kemi raportuar me heret kishte kontakte me shumë prej asambleistëve opozitar por ata nuk ishin “dorëzuar” përball ofertave mjaft tunduesi, përjashtimisht dy asambleisteve Donjeta Jakupi PDK dhe Tringa Sfishta nga AAK, të cilat qysh në raundin e parë shkelën parimet e partive të tyre dhe votuan për Fatmir Gashin nga LDK.

Një burim nga brenda LDK-së i ka treguar PodujevaPRESS-it se Agim Veliu kishte një plan tjetër. Ai donte që të gjithë asambleistët do të hynin në votim dhe me që votimi është I fshehtë atëherë nuk do të dihej saktësisht kush ka votuar KUNDËR e kush PËR. Mirëpo opozita e kishte “ngrënë” këtë karrem në vitin 2013 dhe kësaj here vendosën të rrinë ulur mos të votojnë.

Mbetet të shihet sonte se si do të veprojnë PDK dhe AAK në Podujevë me asambleistët që “tradhëtuan” partitë e tyre. PodujevaPRESS.com