E gjithë java me mot pranveror në Podujevë | Shikoni tabelën me temperatura

Këto ditë të para të janarit në Kosovë, e edhe në rajon po mban mot i butë, me temperatura pothuajse pranverore.

Metorologët parashikojnë që mot i ngjashëm të mbaj edhe gjatë gjithë javës së ardhshme, shkruan gazetametro.net.

Faqja Prishtina Weather, bën të ditur se ‘rrymat e ngrohta nga Afrika veriore, do të vazhdojnë të depërtojnë mbi rajon edhe ditëve të para të javës, derisa fusha anticiklonike që po zhvendosen nga Atlantiku verior do t’i bashkohen fushave anticiklonike që ndodhen mbi Turqi, ku do të kushtëzojnë mot stabil edhe gjatë këtyre ditëve’.

Tutje, thuhet se do të vazhdoj të mbajë mot i butë, por kryesisht me vransira dhe pa të reshura.

“Në orët e mëngjesit në vise të ulëta priten mundësi për mjegull, që vende-vende ka gjasa të mbetet edhe pasdite. Nga dita e mërkurë një sistem frontal që ndodhet mbi Mesdheun perëndimor, pritet që gradualisht të zhvendoset mbi rajonin tonë, e ditën e enjte në mbrëmje dhe të premten, do të favorizojë mot kryesisht të vranët, kohëpaskohe me reshje të dobëta shiu”.

“Temperaturat e ajrit edhe gjatë kësaj periudhe do të mbesin mbi vlera mesatare. Minimalet do të luhaten nga 0C deri +3C, e ato maksimale nga 10C deri në 11C, e nga dita e enjte pritet të zbresin në deri në 7C. Sipas tendencave të fundit, në fundjavë temperaturat pritet të zbresin rreth vlerave mesatare”.

Pra, deri të dielen e ardhshme, moti do të jetë me temperatura të buta, pothuajse pranverore. /gazetametro.net