Ekskluzive: LDK dhe PDK çojnë në Gjykatën Kushtetuese Prishtinën dhe Prizrenin për rinumërim

Lidhja Demokaratike e Kosovës dhe Partia Demokratike e Kosovës, kanë deklaruar se në asnjë formë nuk do ti pranojnë rezultatet aktuale të zgjedhjeve lokale për Prishtinën dhe Prizrenin, raporton Gazeta NewBorn.

Pas numërimit të votave me kusht, me postë dhe atyre të personave me nevoja të veçante, garën në Prishtinë e fitoj Shpend Ahmeti i Vetëvendosjes për shumë pak vota ndaj Arban Abrashit të LDK-së.

Edhe në Prizren ndodhi e njëjta. Atje garën e fitoj Mytaher Haskuka i Vetëvendosjes, duke mundur kandidatin e PDK-së, Shaqir Totajn.

Gazeta NewBorn, nga burime anonime brenda PDK-së dhe LDK-së, mëson se janë duke planifikuar që rastin e rinumërimit të votave ta çojnë në Gjykatën Kushtetuese.

Këto dy parti pretendojnë se ka pasur dallavere në numërimin e votave në këto dy qytete.

Kujtojmë se PZAP kishte kërkuar rinumërim të votave në këto dy qytete, por këtë kërkesë apo vendim e hedhi poshtë dje Gjykata Supreme e cila vendosi që të mos ketë rinumërim të votave në këto dy qytete/Gazeta NewBorn/