Shpejtim Bulliqi përkujton ish-kryetarin e Podujevës Agim Kikaj
Trajneri italian: Dua ta drejtoj Kosovën
Rodolfo Vanoli, ish-trajneri i Udineses, po synon që të bëhet trajner i përfaqësueses së Kosovës
Trajneri italian, Rodolfo Vanoli, ka konfirmuar se ka aplikuar në Federatën e Futbollit të Kosovës (FFK) për postin e seleksionuesit, i lënë bosh pas largimit të Albert Bunjakit.
Ai nuk ka dashur të flasë më shumë rreth kësaj pune me arsyetimin se nuk ka diçka konkrete. Por, ajo që 54-vjeçari ka thënë është se do t’i pëlqente një përvojë në krye të përfaqësueses që sapo mbylli ciklin e parë eliminator.
“Për momentin nuk kam dëshirë të flas shumë për këtë, por them se do të isha shumë i lumtur nëse do të vija në Kosovë”, është shprehur Vanoli për Koha Ditore.
Vanoli në karrierën e deritanishme si trajner ka drejtuar skuadrat si: Mendrisio-Stabio, Lugano, Bellinzona, Olimpia Colligiana, Pordenone Calcio, Koper dhe Olimpija Ljubljana. /Express/