Vdes mamia llapjane Sanije Topanica, iu ndihmoi grave në lindje gjatë luftës
Avdullah Hoti: Le të shkarkohet Rikallo si Jabllanoviqi
Shefi i Grupit Parlamentar të Lidhjes Demokratike, Avdullah Hoti, ka ripërsëritur kërkesën e deputetëve të partisë së tij ndaj kryeministrit Ramush Haradinaj, që të sqarohen akuzat e banorëve të lagjes “Dardania”, se ministri i Bujqësisë, Nenad Rikallo, i kishte torturuar gjatë luftës.
“Le të koncentrohemi në temë, kërkesa jonë është e thjeshtë, ky anëtar i kabinetit qeveritar të shkarkohet deri të sqarohen akuzat ndaj tij”, është shprehur Hoti gjatë interpelancës rreth akuzave ndaj ministrit Rikallo.
“Kemi pasur pjesëtarë të UÇK-së që Serbia i ka akuzuar vetëm në bazë të akuzave verbale dhe presim nga kryeministri të marrë një vendim”, ka shtuar më tej ai.
Hoti ka përmendur shkarkimin e Aleksandër Jabllanoviqit gjatë mandatit të Qeverisë “Mustafa”, për shkak të fyerjes së nënave gjakovare, duke kërkuar nga shefi i ekzekutivit që të veprojë njësoj dhe ta shkarkojë ministrin e Bujqësisë.
Hoti, gjatë interpelancës të thirrur nga partia e tij, ka deklaruar se deputetët e LDK-së nuk do të marrin pjesë në ratifikimin e marrëveshjes së IPA-s, nëse kryeministri i vendit Ramush Haradinaj nuk jep llogari para deputetëve të Kuvendit. /Express/
