Vdes mamia llapjane Sanije Topanica, iu ndihmoi grave në lindje gjatë luftës
Kurti – Haradinajt: Janë 20 persona që dëshmojnë për torturat e ministrit Rikallo
Deputeti i Lëvizjes Vetëvendosje, Albin Kurti, gjatë interpelancës së thirrur për akuzat ndaj ministrit të Bujqësisë, Nenad Rikallo, ka thënë se kryeministri Ramush Haradinaj nuk duhet të bazohet në atë që i thanë institucionet, por dëshmitë e 20 qytetarëve, të cilët akuzojnë ministrin Rikallo se i ka torturuar gjatë luftës.
“Mësuam se kryeministri i është drejtuar tri institucioneve, mirëpo e vërteta nuk mund të jetë shtetërore, por qytetare. 20 veta janë dëshmitarë”, ka thënë Kurti.
Sipas deputetit të VV-së, Qeveria dhe vetë kryeministri nuk duhet marrin përgjegjësinë e mbrojtjes së Rikallos dhe se ky i fundit duhet të dalë dhe të deklarohet në Kuvend se ku ka qenë dhe çfarë ka bërë gjatë luftës.
Gjithashtu, Kurti thotë se institucionet e pyetura nga kryeministri Haradinaj nuk kanë pasur se si të përgjigjen se kanë pasur prova, e që nuk kanë marrë asnjë masë ndaj Rikallos, prandaj, sipas deputetit të VV-së, janë përgjigjur negativisht.
“Sikur këto 3 institucione të thonin se ‘po kemi informata’ atëherë ato do të dilnin të vonuara, prandaj s’kanë pasur si të përgjigjen, veçse negativisht”, është shprehur Kurti.
“Edhe nëse ndonjë serb nuk ka bërë asgjë, padyshim se duhet të pyetet se a njeh dikë që ka bërë diçka”, ka shtuar ai.
“Nuk gjykoj të gjithë serbët, sepse e di që serbët nuk janë njësoj”, ka thënë Kurti në Kuvend. /Express/
