Peci dorëzohet para presionit publik: Anulon grantet për këshilltarin e tij dhe
ISIS dhe FBI, në “sherr” për autorësinë e sulmit në Las Vegas
I ashtuquajturi “Shteti Islamik” ka lëshuar një deklaratë të re, me anë të së cilës këmbëngul se qëndron prapa sulmit të përgjakshëm në Las Vegas të Shteteve të Bashkuara të Amerikës, si pasojë e të cilit 58 persona humbën jetën dhe më shumë se 500 të tjerë u plagosën.
ISIS më parë ka marrë përgjegjësinë për sulmin nëpërmjet degës së tij për propagandë, Amaq, por FBI-ja nga ana tjetër ka hedhur poshtë pohimet e grupit terrorist, duke thënë se sulmi në Las Vegas s’ka lidhje me ISIS-in.
Deklaratën e re për autorësinë e sulmit, ISIS e ka lëshuar nëpërmjet agjencisë Nashir, ka bërë të ditur BBC.
Sipas ISIS, sulmi në Las Vegas është kryer nga Abu Abdul-Barr al-Amriki, por grupi terrorist nuk ka ofruar kurrfarë provash për të mbështetur këtë pohim. /Express/
