Peci dorëzohet para presionit publik: Anulon grantet për këshilltarin e tij dhe
Vetëvendosje nuk distancohet nga sulmi i deputetit, mbështetësit e saj të kënaqur me Frashër Krasniqin
Kanë kaluar më shumë se tri orë që nga rrahja mes deputetit të Nismës për Kosovën, Milaim Zeka dhe atij të Lëvizjes Vetëvendosje, Frashër Krasniqi. Por, partia e këtij të fundit akoma nuk ka dalë me një reagim rreth rrahjes. Asnjë fjalë për këtë rast nuk e ka thënë as Visar Ymeri e Albin Kurti, derisa mbështetës të VV’së në Facebook e kanë përkrahur Krasniqin.
Lëvizja Vetëvendosje, që drejtohet nga Visar Ymeri, ende nuk e ka thënë asnjë fjalë pas rrahjes që ka ndodhur mes deputetit të tyre, Frashër Krasniqi, e deputetit të Nismës, Milaim Zeka.
Për këtë rast nuk ka reaguar as Albin Kurti.
E në anën tjetër një mbështetje të madhe për këtë veprim e ka marr Krasniqi nga mbështetësit e Vetëvendosjes.
Ndërkohë, i menjëhershëm ka qenë reagimi i Nismës ku edhe e kanë dënuar ashpër këtë vepër. Nisma në këtë reagim ka thënë se në këtë mënyrë nuk fitohen debatet e tilla dhe se duhet forca e argumenteve politike.
Deri te ky sulm kishte ardhur pas fyerjeve të njëpasnjëshme që deputetët i kishin bërë njëri-tjetrin në një emision që po transmetohej drejtpërdrejtë.
Ishte deputeti Krasniqi ai që fillimisht e kishte gjuajtur me ujë në fytyrë Zekën, deri sa ky i fundit e ka goditur me shishe.
Krasniqi ia ka kthyer goditjen me shishen e ujit dhe menjëherë ishte nisur për te kërriga nga ku ishte ngritur Zeka, duke e goditur me grusht në fytyrë. /Express/
