Peci dorëzohet para presionit publik: Anulon grantet për këshilltarin e tij dhe
Veliu shpalosi projektet për Orllanin
Në takim me qytetarët e Orllanit, kryetari i Podujevës, Agim Veliu, i rikandiduar nga LDK-ja edhe për një mandat në garën për kryetar të Komunës, ka shpalosur projektet e realizuara dhe ato që do të realizohen gjatë mandatit të ardhëm qeverisës.
Kryetari Veliu përmendi projektet e realizuara në këtë lokalitet, e të cilat kanë ndikuar drejtpërdrejt në përmirësimin e jetës së tyre, siç është ndërtimi i objektit të Qendrës së Mjekësisë Familjare dhe Zyrës së Gjendjes Civile.
“Me kënaqësi i njoftova orllanasit se javën e shkuar kam pranuar nga Kompania Ujësjellësi Rajonal “Prishtina” projektin e shtrirjes së rrjetit të ujësjellësit në këtë fshat.
Gjithashtu kanë përfunduar të gjitha procedurat dhe pritet fillimi i projektit të kanalizimit, i cili përfundimisht do të zgjidh problemin e ujërave të zeza për banorët e kësaj ane”, tha kryetari Veliu.
Në këtë trevë gjatë mandatit të ardhshëm qeverisës janë planifikuara edhe shumë projektet të tjera infrastrukturore./Express/
