Peci dorëzohet para presionit publik: Anulon grantet për këshilltarin e tij dhe
Kadri Balaj kritikon qeverisjet paraprake
Kandidati për Kryetar të Suharekës nga radhët e Nismës, Kadri Balaj, fillimisht shprehi keqardhje që në këto zgjedhje nuk ka kandidate femër, e më pas kritikoi qeverisjet paraprake në Suharekë.
“Komuna e Suharekës ka nevojë që të punohet më mirë se që është punuar deri tani. S’jam pajtuar me qeveritë e mëparshme, sepse janë marrë më shumë me asfaltin dhe unë mendoj që është mjaft, të gjitha ato investime për asfaltim duhet të kalojnë diku tjetër”.
“Ne përparësi është zhvillimi i bujqësisë sepse Suhareka ka një territor të mrekullueshëm për bujqësi”.
“Dy kryetarët e mëparshëm në çdo fushatë zgjedhore kanë thënë që ky katërvjeçar do të ketë ujë të pijshëm 24 orë, por kjo gjë s’është arritur asnjëherë e që ka mundësi me u arrit”, tha Balaj në Magazina Lokale.
“Arsimi nuk është menaxhuar si duhet dhe është pak a shumë i poletizuar sepse kryetarët e nëndegëve dhe aktivistë janë gjithmonë drejtor nëpër shkolla”./Lajmi.net/
