Barcelona ka vazhduar me formën e mirë në La Liga. Në xhiron e gjashtë, të besuarit e Ernesto Valverdes fituan derbin katalunas ndaj Gironas me rezultat 3:0, shkruan Gazeta Express.

Dy autogola nga Aday (17’) dhe Gorka Iraizoz Moreno (48’) si dhe goli i Luis Suarez ( 69’), i mjaftuan Barcelonës për të marrë fitore të sigurt dhe pikët e plota nga ky takim.

Kjo ishte ndeshja e 100 për Suarezin në La Liga me Barcelonën, ku ka realizuar 87 gola.

Pas këtij triumfi, Barcelona është lidere e La Ligas me 18 pikë, shtatë më shumë se Real Madridi e katër më shumë se përcjellësi më i afërt, Atletico Madridi. /Gazeta Express/