AAK në Podujevë fillon zyrtarisht fushatën (Foto)

AAK në Podujevë ka njoftuar se kanë filluar zyrtarisht fushatën zgjedhore thuhet në një njoftim për media, transmeton PodujevaPRESS.com

Në njoftim thuhet:

Të dashur qytetarë të Komunës së Podujevës,

Sot, ne si Aleancë e filluam ditën e parë të kësaj fushate zgjedhore, së bashku me kandidatët për Kuvendin e Komunës sonë do të shpalosim platformën zhvillimore dhe të ju ofrojmë atë çka ne besojmë se është opsioni më i mirë për llapjanët.

Që t’i zgjidhim problemet, ne duhet fillimisht ti prekim ato, për këtë arsye gjatë ditës u munduam të përfshijmë tërë Llapin me vizita.

Ndalesë të parë kishim fshatin Murgull, aty afër burimit të lumit Llap – ndër pasuritë tona më të vlefshme natyrore, për të vazhduar pastaj përgjatë rrjedhës së tij në qytet e më tutje ku dora e institucioneve mungon totalisht, e që me qeverisjen tonë do ta ketë trajtimin e duhur.

Pastaj ndaluam për vizitë në Lulishten Stublla e ku u njoftuam me punën e palodhshme dhe profit-dhënëse te qytetarëve tanë që me vetë-iniciative po provojnë të ecin përpara dhe të krijojnë vende të reja pune, e ku ndihma e kërkuar nga institucionet komunale has në vesh të shurdhër.

Në banjën e Shakovicës ku buron ujë shërues, e ku vijnë qindra qytetarë nga e tërë Kosova, e cila padyshim lehtë mund të shëndërrohet në qëndër rekreative-shëruese, është lënë anash totalisht nga qeverisja e deritanishme.

E njëjta pakënaqësi shprehet edhe nga kultivuesit e mjedrës, të cilët nuk janë të pakët në numër. Ne vizituam një plantacion mjedrash në fshatin Lupç i Poshtëm i cili edhe pse kishte pasur rendiment të mjaftueshëm, sipas fermerit, nuk ka qenë e leverdishme të paguante punëtorë për vjelje për shkak të çmimit tepër të ulët.

Për ta përmbyllur vizitën, ndaluam në Orllan në përulje për heroin tonë, Zahir Pajazitin.

 

Ndryshimi ka filluar edhe në Podujevë!

#50