Arban Abrashi, kandidati për kryetar të Prishtinës nga radhët e LDK’së, është tallur me kryetarin e Prishtinës, Shpend Ahmetin, i cili po kërkon edhe një mandat në krye të kryeqytetit.

I pyetur se cilin projekt të Ahmetit do e vazhdonte në një mandat të mundshëm si kryetar i Prishtinës, Abrahsi duke qeshur ka përmendur Facebookun.

Kjo ngjalli edhe reagimin e masës të cilët me duartrokite përcollën këtë fjalë të Abrashit, e cila u pasua me fjalët e tij se  ‘ishte hajgare’.

Kandidati i LDK’së tha se Ahmeti mund të përmendet për ndonjë veprim në Administratë, përndryshe qeverisja e tij është cilësuar e dobët.

/GazetaExpress/