Ish- deputeti i Partisë Demokratike të Kosovës, Latif Gashi ka kërkuar përkrahje për kandidatin e Podujevës për kryetar komune, Hajredin Hyseni- Dini.

Gashi thotë se Hyseni ka kontribuar në të gjitha periudhat e Lëvizjes për Liri dhe Pamvarësi të vendit.

Ai ka ftuar të gjithë aktivistët dhe simpatizantët e PDK-së që të votojnë Hysenin, për një bashkëqeverisje ndryshe në këtë komunë.

Shkrimi i plotë i Gashit:

Të dashur bashkëqytetar te respektuar simpatizant dhe aktivist te PDK-se, Llapit e te Gollakut, duke ju falenderuar përzemërsisht për përkrahjen e juaj në të gjitha proceset historike që vendi jonë ka kaluar, tani ju ftoje që ta votojm për kryetar të Komunës së Podujevës veprimtarine e madh të çështjes kombëtare, z. Hajredin Hysenin-Dini, i cili kontribuoj ne te gjitha periudhat e Levizjes per Liri dhe Pamevaresi te vendit. Qytetar të dashur Llapjan ju së bashku me Dinin do të bashkqeverisni krejt ndryshe Komunën tonë. Kërkesat e juaja me prioritet do të jene vendime të Kryetarit të ardhshëm Komunal, Hajredin Hysenit dhe ansambleistve të PDK-së, në Komunen tonë! LG Hajredin Hyseni u lind më 10.10.1968 në Sllatinë të Podujevës.

Shkollimin fillor e kreu ne vendlindje dhe në Podujevë, ndërsa të mesmin ne Podujevë. Ka përfunduar studimet në Fakultetin Filozofik, drejtimi i Shkencave Politike në Universitetin e Prishtinës. Gjatë viteve ‘80 dhe ’90 ka qenë pjesë aktive e lëvizjeve ilegale për çlirimin e Kosovës. Për angazhimin e tij politik dhe kombëtar është burgosur dy herë. Herën e parë në vitin 1988, ku dënohet me 5 vjet burgim dhe herën e dytë në vitin 1993, që dënohet me 10 vjet burgim.

Pas lirimit nga burgu, në vitin 2001, u angazhua aktivisht në jetë politike dhe institucionale në Kosovë. Deri sot ka kryer këto funksione: – Anëtar i kryesisë së Partisë Demokratike të Kosovës – Zyrtar për mbështetjen e deputetëve. – Deputet i Kuvendit të Kosovës në dy legjislatura: 2004 – 2007 dhe 2007 – 2010. – Zëvendësministër i Administratës Publike në dy mandate: ‎2011-2014 dhe ‎2014 – 2017. Hajredin Hyseni është i martuar me Fikrie Hysenin, dhe i kanë tri vajza: Lendën, Elsën dhe Ujanën.

IndeksOnline.net