Ish-kryeministri i vendit, Isa Mustafa ka qenë pre e shumë diskutimeve në vend lidhur me statuset të cilat ka hedhur kohë pas kohe në profilin e tij në Facebook.

Mustafa edhe sot nuk ka hezituar që të shkruajë një status të tillë, si i pari i LDK-së,transmeton Indeksonline.

Duke shkruar për fushatën zgjedhore në pak fjali ai ka bërë shumë gabime drejtshkrimore.

Disa prej gabimeve të tilla të cilat sigurisht nuk janë aspak të hijshme janë: pë, Lidhjës, sinçertë, qëllimet, denojmë e të tjera.

Ky është postimi i plotë:

Qytetarë të nderuar të Kosovës Sot po fillojmë fushatën zgjedhore pë komuna, në Sallën 1 Tetori në Prishtinë në ora 17:00. Po fillojmë së bashku një rrugëtim të ri për t’i dhënë juve një standart të ri jete. Koha ka ardhur që ju të vendosni për rrugën tuaj, kopshtet e shkollën e fëmijëve tuaj. Atdhe tjetër nuk kemi, këtij duhet t’i japim shpresën tonë.Në emrin tim dhe të Lidhjës Demokratike të Kosovës iu premtojmë fushatë zgjedhore për zgjedhjet lokale, të drejt, të sinçertë e demokratike. Ne do ndjekim shpresën dhe qellimet tuaja.Së bashku do ta denojmë me votë kapjen dhe kapësit e shpresës tuaj.#LidhjaPoVjen

IndeksOnline.