Haradinaj kërkon votën e deputetëve

Kreu i Aleancës për Ardhmërinë e Kosovës njëhëresh edhe mandatari për formimin e Qeverisë së re të Kosovës, Ramush Haradinaj sot do të përballet me votimin në Kuvendin e Kosovës për kabinetin qeverisës.

Seanca, është caktuar për pasdite, nga ora 16:00, por përshkak të Listës Serbe e cila ndodhet për konsultim në Beogrd, ajo mund të shtyhet për më vonë.

Sipas Kushtetues, zgjedhja e Qeverisë, kërkon mbështetjen prej të paktën 61 deputetëve.

Ndonëse, kryetari i Kuvendit të Kosovës, Kadri Veseli, ka paralajmëruar mbajtjen e seancës për votimin e Qeverisë së re të Kosovës, për ditën e sotme, Haradinaj, ende nuk i ka emrat e atyre që do të jenë pjesë e kabinetit qeveritar.

Është Partia Demokratike e Kosovës dhe Nisma për Kosovën që ende nuk i ka zyrtarizuar ministrat./Indeksonline/