PAN-i te presidenti, flasin për seancën

Krerët e koalicionit PAN janë duke zhvilluar një takim me presidentin e vendit, Hashim Thaçi në zyrën e këtij të fundit, njofton Klan Kosova.

Besohet se në këtë takim po diskutohet për caktimin e seancës konstituive.

Ky takim vjen pas takimit maratonik që liderët e koalicionit PAN kanë pasur gjatë ditës së sotme me Listën Serbe, e ku besohet se u diskutua për ndarjen e pozitave mes këtij koalicioni dhe Listës Serbe.

Nga ajo që merr vesh Klan Kosova, në këtë takim, pritet të bashkëngjitet edhe Lista Serbe.