Mungesa e trotuareve në Gllamnik, rrezikon jetën e nxënësve (Foto)

Komuna e Podujevës nuk ka marrë masat e nevojshme për të siguruar trotuaret përgjatë rrugës në fshatin Gllamnik, ndërsa vitit shkollor ka filluar dhe rreziku është i përhershëm, njofton PodujevaPRESS.com

Afër një kilometër, ose edhe më shumë, është gjatësia e rrugës që përshkojnë nxënësit e Gllamnikut për të shkuar në shkollë, ndërsa trotuaret e hershme mungojnë si pasojë e zgjerimit të rrugës.

Hapsirat që kanë shërbyer më parë si trotuar për ecje të kalimtarëve, e sidomos nxënësve që vijojnë mësimet në shkollën “Kongresi i Manastirit”, janë  shaktrruar tërsisht. Kjo gjë përbënë rrezik serioz të jetës dhe shëndetit të nxënësve që kalojnë çdo ditë në atë rrugë.

Shumë prindër dhe banor të fshatit Gllamnik, u ankuan se kjo u sjellë shumë probleme pasi në vazhdimësi ata duhet të lënë punët për të përcjellë fëmijët nga rreziku që u kanoset. Ata bëjnë thirrje që të veprohet shpejtë nga autoritetet komunale për të shmangur ndonjë fatkeqësi. / PodujevaPRESS