Mediat serbe: Pacolli nënshkruan koalicionin e “Luftës” (Foto)

Nënshkrimi i marrëveshjes ndërmjet koalicionit PAN dhe AKR-së, është komentuar mjaftë shume edhe nga mediat serbe.

Ato në raportimet e tyre disa nga mediat e kanë quajtur koalicionin PDK-AAK-NSIMA si koalicioni i luftës.

“Aleanca Kosova e re e Behgjet Pacollit ka nënshkruar një marrëveshje koalicioni me të ashtuquajturin koalicionin e luftës”, shkruan B92.

“Pritet përfundimi i bllokadës tremujore në Kosovë, për shkak se partnerët e koalicionit kanë arritur të sigurojnë një shumicë në Parlamentin e Kosovës i cili i ka 120 vende. Në përputhje me marrëveshjen dhe me pakicat etnike, tani ata kanë 63 vende”, vazhdon raportimi i medias serbe.

Edhe agjencia e lajmeve Tanjug ka shkruar se kriza në Kosovë po shkon drejtë zgjidhjes.

“Marrëveshja e Pacollit me koalicionin e luftës i hap rrug formimit të qeverisë së re në Kosovë”, shkruan Tanjug.