Kush shkoi e kush mungoi sot në BIK për urime të Bajramit

Siç e do e zakoni Bashkësia Islame e Kosovës ka hapur dyert për pritjen për drejtues të institucioneve, subjekteve politike, e qytetarë të tjerë.

Politikanë kanë dhënë mesazhe paqeje. Ata kanë uruar që të mbretëroj solidariteti mes njerëzve duke përkujtuar se festa e Kurban Bajramit duhet të ndihet tek të gjithë, raporton KTV.

Kryeministri Isa Mustafa ka vlerësuar rolin e Bashkësisë Islame të Kosovës në edukimin e qytetarëve dhe tolerancën që kjo bashkësi ka treguar.

Sidoqoftë këtë radhë ata janë pritur nga zëvendëskryetari i BIK-ut, Reshat Mexhidi, pasi myftiu Tërnava ndodhët në pelegrinazh.

Mexhidi ka ftuar të gjithë të solidar e human me njeri tjetrin, e në veçanti të kenë kujdes me skamnorët, jetimët e nevojtarët.

Në Bashkësinë Islame ishin dhe përfaqësuesit e Aleancës Kosova e Re dhe Nisma për Kosovën, të cilët festën e Kurban Bajramit e quajtën festë të sakrificës dhe solidaritetit mes njerëzve

Edhe këtë Bajram mungoi presidenti i vendit, Hashim Thaçi.