Serbi i dyshuar për krime lufte, nesër në gjyq

Bogdan Mitroviq, i arrestuar dje në Suharekë, mbi dyshimet për krime lufte kundër popullatës civile në Kosovë, nesër do të merret në pyetje në Gjykatën Themelore në Prizren.

Avokati i tij, Dejan Vasiq, i ka thënë RTS se Mitroviq do të paraqitet në Gjykatë në orën 8:30.

Serbi 74-vjeçar u arrestua në Suharekë gjatë vizitës që ai, bashkë me një grup të serbëve, i bënë shtëpive të tyre dhe Kishës së Virgjëreshës së Shenjtë në Mushtisht.