Artistët e rinj të Podujevës e pyesin Agim Veliun: Deri kur në rrugë? (Foto)

Deri kur në rrugë? Ishte motoja e një grupi të artistëve  të rinj nga qyteti i Podujevës të cilët shprehen të pakënaqur me mbështetjen institucionale e cila mungon për këtë kategori të rinjsh, njofton PodujevaPRESS

Arsye e cila i kishte shtyrë këta të rinj që e duan dhe praktikojnë artin është mungesa e galerisë në qytetin e Podujevës dhe pamundësia për t’i ekspozuar punimet, kështu  ata kanë ekspozuar, shtrirë punimet e tyre nëpër rrugë në shenjë revolte.

Njëri nga nismëtarët e kësaj shprehje pakënaqësie Edmond Hoti, i cili është biri i një dëshmori ka thënë për PodujevaPRESS, ” Artistët në qytetin tonë, veçanërisht artistët e rinj kanë nevojë për shumë më tepër përkrahje institucionale që u ka munguar për gjithë këto vite. Një qyteti me rreth 90 mijë banorë t’i mungojë një galeri arti është turp”.

Ndër të tjera Hoti theksoi se “Shumë artistë të mahnitshëm nuk kanë ku të ekspozojnë veprat e tyre dhe detyrohen shpesh herë që të aplikojnë në galeritë e komunave të tjera. Në emër të këtyre artistëve i bëj thirrje institucioneve lokale që të reflektojnë dhe tu mundësohet galeria ku talentet mund të tregojnë krijimtarinë e tyre”.

Kjo nismë kishte marr interesim e këngëtarit të mirënjohur llapjan, Azem Gashi i cili jetonë dhe vepronë në Londër.

Këta të rinj kanë paralajmëruar se nuk do të rrinë duarkryq por do të flasin për pakënaqësitë që ndodhin çdo ditë dhe shprehen se shprehen se do të  punojnë  së bashku me të gjithë ata që duan ta shohin Podujevën një qytet më të mirë. /PodujevaPRESS/