Rrëfen Kelmendi nga Podujeva: Në Gjermani 250 gram mjedër 4 Euro, në Podujevë 1 euro kilogrami ndërsa pagesa pas një viti. (Foto)

Një qytetar nga komuna e Podujevës që jeton dhe vepron në gjermani për më shumë se dy dekada është shprehur i brengosur dhe i hamendur për çmimin e mjedrës në Podujevë, njofton PodujevaPRESS.

Rexhep Kelmendi nga Baraina e Podujevës jeton dhe vepron qe 20 vite në Nürnberg – Bayern të Gjermanisë. Rexhep Kelmendi qe një kohë të gjatë punon në një market ku shiten frutat sikurse mjedra. Ai ka dërguar disa foto që dëshmon se në lokalin që ai punon, 250 gr. mjedër shiten për 3.99€, ndërsa 1 kg 17.99€uro.

Kelemendi pas një prononcimi për PodujevaPRESS është shprehur i habitur me çmimin e mjedrave në Podujevë, i cili shitet në pikat grumbulluese prej një (1) euro.

I pyetur nga portali unë se prej ku furnizohen me mjedra dhe cili është çmimi i vendit të origjinës, z. Kelemendi  ka pyetur përgjegjësit dhe treguar se furnizohen nga Polonia dhe çmimi për 500gr. është 2.7€uro, ndërsa sipas këtij çmimi për 1kg kushton rreth 5.40€.

Sigurisht se Berëza të cilës i referohen pikat grumbulluese në Podujevë, është gjithandej e njëjtë sepse bëhet fjale për të njëjtin produkt, ndërsa fermerët e Podujevës dhe pikat grumbullues si vend transit e kanë Serbinë, e cila sipas grumbulluesve llapjanë çmimin e paguan shumë shumë lirë, gjithherë duke u thirrur në Berëz, por del që në Poloni Berëza qenka më e lartë, dhe realisht kjo s’ka logjikë financiare në tregun global.

Kjo logjik e biznesit është në dëm të prodhuesve llapjanë, e veçmas politikat e dobëta mbrojtëse për prodhuesit lokal.

Për fund, ose Serbia luan me prodhuesit e Kosovës që kultivojnë këtë produkt ose situata është më e komplikuar se aq, treg në të cilin mund të fshihen shumë interesa mes pikave grumbulluese dhe grumbulluesve që eksportojnë këtë produkt në Evropë.

Falënderojmë qytetarin Rexhep Kelemndi nga Baraina e Podujevës, i cili jeton në Gjermani  dhe ka bashkëpunuar me ne rreth këtij shkrimi./PodujevaPRESS/