Vendoset gurthemeli i ndërtimit të tribunës në stadiumin “Zahir Pajaziti”

Kryetari i Komunës së Podujevës, Agim Veliu, ka vendosur gurthemelin e ndërtimit të tribunave në stadiumin “Zahir Pajaziti”.

Fotot i ka publikuar Veliu në faqen e tij në Facebook, përcjellë “GazetaOlle.com”.

Ai ka uruar klubin e Llapit dhe tifozërinë e skuadrës.

“Sot, bashkë me ministren Vlora Dumoshi dhe kryetarin e FFK-së Fadil Vokrri, vendosëm gurthemelin për ndërtimin e tribunave në Stadiumin “Zahir Pajaziti” në Podujevë.

Me ndërtimin e tribunave kompletohet infrastruktura e stadiumit sipas standardeve ndërkombëtare.
Urime tifozërisë “Legjendat”, “FC LLAPI” dhe të gjithë qytetarëve llapjanë”, shkroi Veliu.