Dyluftim para gjykatës: Gjyqtari e bën ‘shoshë’ sulmuesin (Foto)

Gjyqtari Joseph Brasis Junior (65) e vrau me armë zjarri Nathaniel Richmod’in, ndaj të cilit  ka shkrepur pesë plumba në përleshjen para ndërtesës së gjykatës në Stubenvill (Ohajo) të SHBA’ve.

Ngjarja ndodhi pasi sulmuesi kishte dalë në pritë para gjykatës për ta vrarë gjykatësin, por gjykatësi dhe një ndihmës ishin përgjigjur duke nxjerrë armët dhe gjuajtur ndaj sulmuesit.

Në shkëmbim zjarri është plagosur gjyqtari Brasis, i cili me helikopter është transportuar në spital në Pitsburg. Gjendja e tij është stabile dhe është jashtë rrezikut.

Deri te përleshja, sikur në filma ‘western’, kishte ardhur të hënën në ora 8 në mëngjes. Sherifi Fred Abdalla ka konfirmuar se gjyqtari dhe sulmuesi kanë shkrepur nga pesë plumba, dhe se në shkëmbim zjarri ka marrë pjesë edhe një punëtor i sigurimit.