Ky është drejtori i Inspeksionit në kabinetin e Shpejtim Bulliqit
“Përforcimi” i Vetëvendosjes në Prizren: “Amerika po rren me të madhe” (Foto)
Anëtari më i ri i Vetëvendosjes, Arian Xhezairi, i cili është prezantuar dje nga Vetëvendosje si prurja më e re që do të ndihmojë për fitoren e këtij subjekti në këtë qytet, përveç që është një adhurues i flaktë i Shefqet Krasniqi, imamit që ndiqet nga për terrorizëm, ai manifeston haptazi qëndrime antiamerikane.
Tashmë dihet që vendi përballet me fenomenin e radikalizmit fetar, ndërkohë që nga Kosova me qindra të rijnë i janë bashkuar ISIS’it, por për anëtarin më të ri të Vetëvendosjes këto janë vetëm gënjeshtra.
Kështu Arian Xhezairi, në një postim të tij ka thënë se të dhënat e Departamentit Amerikan për ekstremizmin islamik në Kosovë janë rrena.
“Raporti i Departamentit Amerikan të Shtetit: Të dhëna shqetësuese mbi ekstremizmin islamik në Kosovë”. Departamenti Amerikan i Shtetit po rrenë, me t’madhe!” ka shkruar ai në facebook në njërin nga postimet e tij.
Ndërkohë për Arian Xhezairin, imami Shefqet Krasniqi që nga shteti ndiqet për urrejtje ndërfetare është personi më i dashur në jetën e tij. Këtë ai e dëshmon me një postim tjetër, shkruan Gazeta Express.
“Në këte foto, shfaqen tre nga njerëzit më të dashtun n’jetën time; Prof. Shefqa, prindi im (dr. Ajdin Xhezairi) dhe mixha im (Samidin Xhezairi alias Komandant Hoxha)”, ka shkruar ai në legjendën e fotografisë.
Vetëvendosje është shfaqur e entuziazmuar me këtë prurje.
Xhezairi, një inxhinier i softuerit, që ka studiuar për shkenca politike dhe teknologji në Universitetin e Vjenës, dhe që është shkolluar dhe që ka shërbyer në Forcën e Sigurisë së Kosovës për 7 vjet, është prezantuar si anëtari më i ri i Lëvizjes Vetëvendosje, nga shefi formal I kësaj partie, Visar Ymeri.
Ndryshe Vetëvendosje në Prizren do të garojë me Mytaher Haskukën, krah i djathtë i të cilit do të jetë Xhezari, adhurues i imamit kontrovers Shefqet Krasniqi dhe antiamerikan i përbetuar. /GazetaExpress/.
