LDK vendos: Ky është kandidati për kryetar të Prishtinës!

Lidhja Demokratike e Kosovës sot ka vendosur për kandidatin për kryetar të Prishtinës.

E ai do të jetë, deputeti i zgjedhur Arban Abrashi.

Kështu kanë thënë për Gazeta Blic burime brenda LDK-së.

“Sot, Kryesia e LDK-së ka vendosur që Arban Abrashi të jetë kandidat për kryetar të Prishtinës”, tha ky burim i Gazetës Blic.

Gjatë ditës pritet të zyrtarizohet emri i Abrashit.

Ndërkaq, zyrtarisht askush nga LDK nuk ka dashur të flas për Gazeta Blic.

Në garë për kryetar të Prishtinës ishte edhe Ismet Beqiri, ish- kryetar i Prishtinës.

Ndryshe, Abrashi ka qenë edhe ministër i Punës dhe i Mirëqenies Sociale.