Vdes mamia llapjane Sanije Topanica, iu ndihmoi grave në lindje gjatë luftës
Sejdiu ngushëllon për vdekjen e Rexhepit: Ishte çdoherë në shërbim të Kosovës
Ish presidenti i Republikës së Kosovës, Fatmir Sejdiu ka shprehur ngushëllimet më të përzemërta për familjen Rexhepi me rastin e vdekjes së ish-kryeministrit të vendit, Bajram Rexhepit.
Sejdiu ka thënë se Rexhepi ka qenë një veprimtar i njohur i çështjeve kombëtare.
Ai shton ndër të tjerash se ish kryeministri gjithmonë ishte në shërbim të Kosovës. Rexhepi sipas Sejdiut shërbeu edhe në Ushtrinë Çlirimtare të Kosovës, transmeton Indeksonline.
Postimi i plotë i Fatmir Sejdiut në Facebook:
Sot, morëm lajmin e pikëllueshëm për vdekjen e ish-kryeministrit të Kosovës, Bajram Rexhepi.
Bajram Rexhepi, ishte një veprimtar i njohur i çështjes kombëtare. Në ditët më të vështira dha kontribut të veçantë për vendin përmes profesionit tij si mjek, ku edhe shërbeu në Ushtrinë Çlirimtare të Kosovës.
Ndërsa, pas luftës kontributin e tij e dha si njeri me përgjegjësi politike.
Bajrami Rexhepi, ndonëse në rrethana të ndryshme, megjithatë, një jetë të tërë ishte në shërbim të vendit.
Në këto momente jo të lehta jemi bashkërisht me ju familje Rexhepi.
Ngushëllime Juve dhe gjithë qytetarëve të vendit!
