Vdes mamia llapjane Sanije Topanica, iu ndihmoi grave në lindje gjatë luftës
Japonia dhe SHBA-ja kryejnë ushtrime ushtarake, teksa Koreja Veriore shikon (Foto)
Aeroplanët luftarakë japonezë kanë kryer manovra ushtarake me bombarduesit amerikane në jugperëndim të gadishullit korean, teksa Koreja Veriore konsideroi nëse ta sulmojë me raketa territorin e administruar nga SHBA-ja në Paqësor, Guam.
Koreja e izoluar Veriore nuk i ka mbajtur aspak te fshehta planet për ta zhvilluar një raketë që është në gjendje të bartë armë bërthamore dhe ta arrijnë SHBA-në, për t’i luftuar ato që i cilëson si kërcënime të vazhdueshme për pushtim nga SHBA-ja, siç janë ushtrimet ushtarake amerikane me fqinjët Korenë Jugore dhe Japoninë, transmeton Express.
Koreja Veriore i ka injoruar paralajmërimet nga Perëndimi dhe aleati i vet i vetëm, Kina, për t’i ndalur testimet raketore dhe bërthamore, të cilat i kryen duke i shkelur rregullat e Këshillit të Sigurimit të OKB-së.
Ndërkohë Forcat Ajrore Amerikane kanë thënë se ushtrimet e së mërkurës dëshmojnë për solidaritetin dhe përkushtimin që SHBA-ja e ndan me aleatët e vet për ta ruajtur paqen dhe sigurinë./Express/
