Vdes mamia llapjane Sanije Topanica, iu ndihmoi grave në lindje gjatë luftës
Të paktën 600 të zhdukur dhe gati 400 të vdekur nga rrëshqitjet e dheut dhe vërshimet në Afrikë
Të paktën 600 persona janë zhdukur pas rrëshqitjeve të dheut dhe vërshimeve që i kanë shkatërruar pjesë të kryeqytetit të Sierra Leones, Freetown, ka thënë një zëdhënës i presidentit të Sierra Leones për BBC.
Presidenti Ernest Bai Koroma ka bërë thirrje për përkrahje urgjente, duke thënë se komunitete të tera janë shkatërruar dhe zhdukur, transmeton Express.
Gati 400 persona janë konfirmuar të vdekur pas rrëshqitjeve të dheut në rajonin Regent dhe vërshimeve në vendet tjera të Freetown të hënën.
Kryqi i Kuq ka paralajmëruar se është garë kundër kohës për të gjetur të mbijetuar.
Një varrim masiv i viktimave është planifikuar për sot, në mënyrë që të krijohet hapësirë në morge.
“I tërë komuniteti po mban zi tani. Më të dashurit janë zhdukur, mbi 600,” ka thënë ky zëdhënës për BBC./Express/
