Hoxhaj tregon kur mund të mbahet seanca konstituive

Seanca konstituive e Kuvendit të Kosovës tashmë është shndërruar në temën kryesore politike të vendit. Kjo për faktin se koalicioni PAN nuk po arrin të gjejë votat e nevojshme për votimin e Kryeparlamentarit, duke bërë që procesi të zvarritet.

Zëvendëskryetari i Partisë Demokratike të Kosovës (PDK), Enver Hoxhaj, nuk ka përmendur ndonjë datë të mundshme se kur mund të mbahet vazhdimi i seancës konstituive të Kuvendit të Kosovës.

Në këtë intervistë dhënë për gazetën “Epoka e re”, ai ka thënë se kjo seancë do të mbahet kur të ketë ‘kushte politike dhe objektive’.

Hoxhaj ka deklaruar se, krahas shpejtësisë së krijimit të institucioneve, është e rëndësishme edhe cilësia e këtyre institucioneve.

Sipas tij, koalicioni PAN është i interesuar të krijojë një konsensus politik për temat e mëdha që e presin Kosovën.

Hoxhaj ka përsëritur se PAN-i do të ketë kandidat për kryeparlamentar vetëm Kadri Veselin.