Për Agim Veliun trualli dhe banesa e tij në Prishtinë kanë vlerë zero €uro (Dokument)

Pasuria e kandidatit për kryetar nga radhët e LDK-së, njëherit kryetarit aktual të Podujevës Agim Veliu, nuk dihet se çfarë vlere ka, pasi që një gjë të tillë nuk e ka të specifikuar në raportimin e rregullt që bëjnë zyrtarët e lartë publik çdo vit pranë Agjencisë Kundër Korrupsionit, njofton PodujevaPRESS.

Kryetari i Podujevës Agim Veliu po synon mandatit e tij të pestë në krye të komunës, ndërsa ai jeton në Prishtinë, gjë për të cilën është kritikuar shumë nga qytetarët dhe spektri politik opozitar. Në deklarimin e rregullt vjetor të pasurisë e cila është e obligueshme  sipas ligjeve në fuqi, z. Veliu, truallin, banesën e tij në Prishtinë dhe shtëpinë e ka vlerësuar me 0 (zero) €uro vlerë.

Gara për komunën e Podujevës pritet të jetë shumë e fort, ndoshta ndër më të fortat që është zhvilluar deri më tani.

Zgjedhjet lokale janë caktuar të mbahen me datë 22 tetor dhe deri më tani vetëm dy subjekte politike i kanë zyrtarizuar kandidatët e tyre për Podujevë, LDK që do të garojë më Agim Veliun dhe AAK me Fatmir Humollin.

Burime të PodujevaPRESS bëjnë më dije se nga PDK garës do t’i futet zv/ministri në detyrë Hajredin Hyseni, ndërsa nga Vetëvendosje, Ajet Potera.

Për Agim Veliun edhe mund të ketë 0 (zero) vlerë banesa dhe trualli i tij, por për 90% e qytetarëve të Podujevës, të kesh banesë në Prishtinë dhe shtëpi në Podujevë, është luks. /PodujevaPRESS.com/

Ky ëshë linku: Pasuria e deklaruar nga kryetari Agim Veliu