Vdes mamia llapjane Sanije Topanica, iu ndihmoi grave në lindje gjatë luftës
Mustafa i bënë thirrje Pacollit të mos i bashkohet PAN-it
Kryetari i LDK-së Isa Mustafa është shprehur se i beson partnerëve të tij të koalicionit dhe besnikërisë së tyre për të mos iu bashkuar PAN-it në bërjen e institucioneve.
“Unë nuk e shoh si ultimatum deklaratën e tij, unë e shoh më shumë si shprehje të mendimit në këtë situatë të ngathtësisë që institucionet të themelohen. Që ato të prolongohen njerëzit po japin ide, propozime, iniciativa të ndryshme, pra unë këtë e shoh si një iniciativë dhe ose propozim të z.Pacolli që institucionet duhet bërë”, ka thënë Mustafa.
Ai ka theksuar se do të presin që PDK-ja dhe aleatët e saj, ashtu sikur Gjykata Kushtetuese e ka përcaktuar afatin për bërjen e institucioneve të provojnë se a mund ta bëjnë kryetarin e Kuvendit dhe Qeverinë.
“Pasi të kaloj e drejta për bërjen e institucioneve ne pastaj ne do të shohim më tutje çka do të bëhet ku do të respektojmë organet e LDK-së që ne do të dalim në këshillin e përgjithshëm të LDK-së ku ne do të marrim vendim se çka do të bëjmë më tutje. Ne nuk do të marrim vendime mbi iniciativa personale, unë besoj se z.Pacolli i përmbahet marrëveshjes që ne kemi në koalicion gjithashtu edhe partnerët tjerë të koalicionit”, ka thënë Mustafa. /Indeksonline/
