AAK e Podujevës: Obligon kandidatët për kuvendin komunal të nxjerrin vërtetim në gjykatë se nuk janë nën hetime

Aleanca për Ardhëmrinë e Kosovës dega në Podujevë ka njoftuar se është në vazhdën e takimeve dhe përgatitjeve për zgjedhjet lokale të cilat do të mbahen me datë 22 tetor të këtij viti, njofton PodujevaPRESS.

Sipas komunikatës së dërguar nga zyra për informim e degës së AAK-së në Podujevë, kryetari Fatmir Humolli ka kërkuar që të gjithë kandidatët për kuvendin komunal të sjellin vertetim nga gjykata  si dëshmi që janë në rregull me ligjin dhe të kaluarën e tyre.

Po ashtu në komunikatë thuhet se deri në fund të javës AAK e Podujevës do të finalizojë listën e kandidatëve për asamble komunale, ku është rezervuar hapësirë edhe për shoqërinë civile dhe shoqatën e minatorëve. /PodujevaPRESS/

Kjo është komunikata e plot:

Ķryesia e degës së AAK-së në Podujevë,ka mbajtur takimin e rregulltë ku është diskutuar për kandidatët që do të përfaqësojnë AAK-në në zgjedhjet komunale të 22Tetorit.

Nënkryetarët Shaban Mulolli dhe Nexhat Llumnica kanë raportuar për takimet që kanë zhvilluar me nëndegët e AAK-së nga të cilat kanë marrë propozimet për kandidatët që do të përfaqësojnë listën e AAK-së në këto zgjedhje. Pas shqyrtimit të emrave te kandidatëve, Kryetari Fatmir Humolli ka kërkuar nga kryesia që të obligojnë të gjithë kandidatët që bashkë me dokumentacionin e rregullt të dëshmojmë edhe me vërtetim gjykate se kandidatët e AAK-së nuk janë nën hetime dhe nuk mund ta përfaqsojnë AAK-në në Podujevë ata kandidat që kanë probleme me ligjin .
Fatmir Humolli në asnjë rrethan nuk do të bëjë kompromis me shkelsit e ligjit dhe me qeverisjen e AAK-së në komunën tonë do t’i jap fund epokës së shkelësve të ligjit dhe mosndëshkimit tè tyre aq sa është në kompetenc të qeverisjes komunale ,tha ai para kryesisë duke u kërkuar që përzgjedhja e kanditatëve të jetë në nivelin maksimal.
Kriter mbetet edhe arsimi dhe kualifikimi profesional të cilin shumica e kandidatëve tashmë e plotësojnë.Kryesia mori vendim që brenda listës të ketë edhe disa vende të rezervuara për shoqërinë civile e cila ka interes të përfaqësohet brenda listës së AAK-së gjithmonë në marrveshje të dyanëshme.Vlen të theksohet se një vend është i rezervuar edhe për Shoqatën e Minatorëve e cila do të përfaqësohet nga një kandidatë në listën e AAK-së.
Kryetari Fatmir Humolli kërkoi nga kryesia që deri në fund të javës të finalizohet dhe miratohet lista dhe javën e ardhëshme të gjendet edhe kandidati që do të përfaqësoj AAK-në në garën për Kryetarin e ardhëshëm të Podujevës .
Me respekt AAK-Podujevë.