Pacolli thotë se brenda disa ditëve do të fillojnë bisedimet me PAN-in për ndarjen e ministrive

Presidenti i Aleancës Kosova e Re, Behgjet Pacolli ka dhënë shenja se nuk do ta mbajë vendin të bllokuar.

Pas takimit të sotëm me Haradinaj, kreu i AKR-së ka mohuar se kanë biseduar për ndarje ministrish.

Ai për televizionin publik, ka thënë se e ka bërë hapin e parë drejt zhbllokimit të ngërçit politik.

Pacolli, ka rrëfyer se ka bërë hapin e parë drejt zhbllokimit të ngërçit politik.

Në këtë intervistë ai ka paralajmëruar se nuk do të mbajë të bllokuar Kosovën dhe institucionet e vendit, “prandaj Lidhja Demokratike e Kosovës”, sipas tij, “ka 10 ditë kohë për të ndryshuar qëndrimin”.

Ai ka treguar se ende nuk është biseduar për asnjë ndarje ministrish dhe brenda këtyre ditëve do të fillojnë edhe bisedimet me PAN-in./Indeksonline/