Podujevë: I mituri kapet në flagrancë me armë zjarri, përfundon në Polici
Kurteshi i VV’së: Nuk kemi thënë asnjëherë se nuk e votojmë Veselin
Deputeti i Lëvizjes Vetëvendosje, Ismajl Kurteshi nuk e ka përjashtuar mundësinë që ky subjekt politik ta votojë kryetarin e Partisë Demokratike të Kosovës, Kadri Veselin për kryetar të Kuvendit, me qëllim që të hapet mundësia për formimin e Qeverisë nga Vetëvendosje, nëse koalicion PAN nuk i siguron votat e nevojshme.
I pyetur se a ka gjasa që Vetëvendosje ta votojë Kadri Veselin për kryetar të Kuvendi, nëse PAN-i nuk tërhiqet nga kandidatura e tij, Kurteshi ka thënë për lajmi.net se të gjitha mundësitë janë të hapura dhe se nuk është Vetëvendosje ajo që po e bllokon formimin e institucioneve, por është PAN-i.
“Askush nuk ka deklaruar nga Vetëvendosje se nuk do ta voton një kandidat të PAN-it për kryekuvendar. Është folur për emra të përvetshëm, por nuk kemi thënë se nuk do ta votojmë asnjërin nga kandidatët e PAN-it. Andaj rruga është e hapur, duhet ta shfrytëzojnë këtë rrugë që është e hapur edhe t’i hapin perspektivat për krijimin e institucioneve dhe për zhvillim normal të proceseve dhe të punës së institucioneve”, ka thënë deputeti i Vetëvendosjes, Ismajl Kurteshi.
Kurteshi i ka bërë thirrje koalicionit PDK-AAK-Nisma që të mos e bojkotojë seancën konstituive.
