Zëvendësministrat Hajredin Hyseni e Muhamet Latifi bënë homazhe tek varri i Hasan Ramadanit

Zyrtar të PDK-së në Podujevë, sot kanë bërë homazhe pran varrit të dëshmorit Hasan Ramadani, transmeton PodujevaPRESS.

Homazhe bënë dy zëvendësministrat Muhamet Latifi dhe Hajredin Hyseni i cili sipas burimeve të PodujevaPRESS-it pritet të jetë kandidat për kryetar të Podujevës nga Partia Demokratike e Kosovës.

Kujtojmë se Hasan Ramadani ka rënë dëshmor me 7 gushtit të vitit 1994 në fshatin Shajkofc të Podujevës. Hasani me 6 gusht rrethohet shtëpia nga forcat e mëdha të policisë Serbe të përcjella me tanke dhe blinda ushtarake. Hasani ishte nën rrethim të plotë, ndërsa vetë nuk u dorëzua për së gjalli e fëmijëve u kërkoi të dalin të gjallë. Vajza e Hasanit Fidajetja nuk doli dhe ishte këmbëngulëse, ajo i ndihmoi babait të mbush armët me municion dhe largonte lotsjellësit që hidhnin policia.