Vdes mamia llapjane Sanije Topanica, iu ndihmoi grave në lindje gjatë luftës
Trembeni papritur kur jeni në gjumë? Kjo është arsyeja!
E keni pyetur ndonjëherë veten se përse trembeni papritur kur sapo ju zë gjumi dhe ju duket sikur po bini?
Quhet Hypnagogic jerk dhe ndodh kur muskujt, zakonisht tek këmbët kontraktohen me shpejtësi në mënyrë të pavullnetshme. Askush nuk e di në të vërtetë se përse ndodh megjithatë, ekzistojnë teori të ndryshme.
Sipas Jason Ellis, profesor i shkencës së gjumit në Universitetin Northumbria, kjo gjendje është një simptomë e sistemit tonë aktiv fiziologjik që po bie në qetësi, duke kaluar nga një proces aktiv në një gjendje relaksimi dhe paralizë të mundshme të trupit.
Sipas tij është e këshillueshme që ata që vuajnë nga kjo sindromë të evitojnë pirjen e kafeinës dhe të bëjnë ushtrime fizike mbrëmjeve.
Ata që kanë mungesë magnezi, kalciumi apo hekuri, kanë më shumë gjasa që të vuajnë nga kjo sindromë.
Ky çrregullim neurologjik konsiderohet si diçka tepër normale dhe në Britani vuajnë 1 në 10 persona. Në disa raste, personave që u ndodh nuk e marrin vesh, sidomos kur nuk u del gjumi.
