PODUJEVË: Banorët e lagjes përgjatë rrugës “Ali Ajeti” po përballen me reduktime të ujit të pijes

Sezoni i verës dhe vapa e madhe ka dhënë edhe shenjat e para të thatësisë dhe rritjes së konsumit të ujit, si pasojë disa lagje të Podujevës kanë mungesë të ujit të pijes, njofton PodujevaPRESS.

Banorë të kësaj lagjeje sot kanë raportuar se qysh nga ora 8 e mëngjesit po përballën me mungesë të ujit të pijës, e po ashtu edhe dje e kishin këtë problem. Ata shprehen të revoltuar përderisa thonë se nevojat për ujin e pijes në këtë kohe janë të mëdhaja dhe kësisojë po u pamundësohet një jetë normale.

PodujevaPRESS ka provuar të kontaktojë me zyrtarët e KUR Prishtinë për të marrë më shumë informata por një gje e tillë ka qenë e pamundur përshkak linjave të zënë të telefonit.

Por ajo që bie në sy është se në faqen zyrtare të Kompanisë së Ujsjellësit rajonal Prishtina, nuk ka pas paralajmrime për reduktime të ujit. /PodujevaPRESS/