“Nesër do të jetë seanca më interesante e mbajtur ndonjëherë në Kuvendin e Kosovës”

Njohësi i çështjeve politike në vend Nexhmedin Spahiu ka thënë për Gazeta Blic se seanca e nesërme po pritet më shumë kuriozitet, madje sipas tij, kjo do të jetë seanca më interesante e mbajtur ndonjëherë në Kuvendin e Kosovës.

Ndërsa sa i përket zgjedhjet së Kadri Veselit si kryeparlamentar, Spahiu nuk dha ndonjë përgjigje të prerë.“Ka gjasa të zgjedhet, mirëpo nuk e di sigurt nuk mund të jap ndonjë prognozë”, tha Spahiu.Spahiu konsideron se seanca e nesërme po pritet me padurim, për shkak të shumë deklaratave që janë bërë nga ana e deputetëve.

“Mbledhja e nesërme pritet më shumë kuriozitet, më shumë se çdo mbledhje tjetër konstituive e deri më tashmë, sepse çdo gjë që është përfolur që sa kohë mbetet të shihet se ku janë numrat për tu zgjedhur kryeparlamentari”, u shpreh Spahiu.Po ashtu Spahiu thotë se dita e nesërme do të tregoj se cilët deputet do t`i qëndrojnë besnik koalicioneve të tyre.“Kemi pasur deklarata kontradiktore që janë bërë nga deputet të ndryshëm, mirëpo nesër mbetet të shihet se cilit koalicion do t`i mbesin besnik”, përfundoi Spahiu për Gazeta Blic.