Rrahje mes dy familjeve në Barilevë për shkak të borxhit, arrestohen pesë
Nga nesër Qeveria mund të mbetet pa tetë ministra e një zëvendëskryeministër
Qeveria e Kosovës nga nesër pritet të mbetet pa tetë ministra e një zëvendëskryeministër Bëhet fjalë për të gjithë ata zyrtarë të Qeverisë që e kanë fituar mandatin e deputetit. Këtë çështje e ka shtruar në mbledhjen e Qeverisë edhe kryeministri në detyrë, Isa Mustafa.
Ai ka thënë se ka marrë opinion ligjor nga Zyra Ligjore e Kryeministrit, se ministrat në detyrë duhet të deklarohen se cilën pozitë duan ta mbajnë.
Në fakt në mbledhjen e Qeverisë asnjë nga ministrat e zgjedhur si deputet nuk u deklaruan por pritet që të njëjtit të marrin postin e deputetit.
Një sqarim këtu e ka dhënë edhe ministri në detyrë i Arsimit, Shkencës dhe Teknologjisë, Arsim Bajrami që është edhe profesor i të Drejtës Kushtetuese.
Edhe ky para kolegëve të tij tha se ata duhet të deklarohen se cilën pozitë duhet të mbajnë ose ndryshe ka konflikt interesi.
Bajrami tha se funksioni i deputeti fillon nga momenti i verifikimet të mandatit e që kjo pritet të ndoshë në seancën e 3 gushtit.