Vdes mamia llapjane Sanije Topanica, iu ndihmoi grave në lindje gjatë luftës
Osmani thotë se deputetët e koalicioni LAA nuk kanë vota për Veselin e Haradinajn
Deputetja më e votuar në vend, Vjosa Osmani ka shprehur bindjen se asnjë deputet nga koalicioni LAA nuk do të votojë për Kadri Veselin kryeparlamentar dhe Ramush Haradinajn kryeministër.
Osmani në ambientet e Kuvendit të Kosovës ka thënë se deklarimet e koalicionit PAN se i kanë numrat janë të dështuara.
“Është vendim unanim i koalicionit tonë qe të mos e votojmë Veselin, nëse ai kandidon. Asnjë votë e koalicionit tonë nuk shkon për qeverinë e koalicionit PAN. Në momentin qe dështon PAN ka përpjekje intensive mes koalicionit LAA dhe VV për arritjen e një marrëveshje. Ky koalicion do të mund të ofronte një qeveri stabile”, ka thënë Osmani për mediet transmeton ‘Indeksonline’.
“Kam besim ne deputetët e koalicionit tonë të cilët do të votojnë duke e respektuar vullnetin e votuesve tanë”, ka shtuar ajo.
Votuesi i LDK-së, sipas saj, ka votuar qe LDK të jetë në opozitë.
