Peci dorëzohet para presionit publik: Anulon grantet për këshilltarin e tij dhe
Kurti më 2005: Nuk shndërrohemi në parti, sepse kjo i konvenon Sundimtarit
Lëvizja Vetëvendosje ka disa muaj që kur ka marrë epitetin e partisë politike. Në majin e këtij viti, Vetëvendosje nën udhëheqjen e Visar Ymerit zyrtarisht është regjistruar si subjekti më i ri politik në Kosovë. Por, para shumë viteve zyrtarë të këtij subjekti mohonin në mënyrë kategorike shndërrimin në parti politike.
Madje themeluesi dhe udhëheqësi i saj, Albin Kurti në vitin 2005 kishte thënë se shndërrimi në parti për LVV’në do t’i konvenonte vetëm sundimtarit.
Në një intervistë që ish-lideri i LVV’së, Albin Kurti e kishte dhënë në vitin 2005 për gazetën ‘Java’, kishte deklaruar se Lëvizja Vetëvendosje nuk do të shndërrohet asnjëherë në subjekt politik.
Madje Kurti kishte deklaruar rreshtimi përkrah partive politike vendore vetëm sa do ta përçante partinë që Kurti e ka themeluar, pra Lëvizjen Vetëvendosje.
“Jo, lëvizja Vetëvendosje nuk shndërrohet në parti politike”, kishte thënë Kurti.
“Natyrisht që është në interesin e sundimtarit që të ketë sa më shumë parti politike dhe neve na inkurajojnë që të shndërrohemi në parti politike, të bëhemi partia numër 37 apo 38 sa janë në mënyrë që sa më shumë të përçahemi”, kishte deklaruar Kurti.
