“Neymar eja në Real Madrid”

Mesfushori i Real Madridit, Casemiro, ka thënë se ylli i Barcelonës, Neymar, është i mirëpritur në “Santiago Bernabeu”.

Këtë deklaratë Casemiro e ka bërë pas spekulimeve se Paris Saint-Germain është i gatshëm t’i ofrojë Barcelonës 222 milionë euro për yllin brazilian.

“Neymar? Pse të mos vijnë dhe të luajnë në Real Madrid? Këtu ai do të jetë i mirëpritur”, ka deklaruar Casemiro.

“Unë nuk kam biseduar me Neymarin kohët e fundit, por i uroj atij më të mirën”, ka shtuar braziliani.

“Nëse largohet nga Barcelona i dëshiroj fatin e botës, por edhe nëse mbetet i dëshiroj të njëjtën gjë”, ka theksuar ai. /Express/