Vdes mamia llapjane Sanije Topanica, iu ndihmoi grave në lindje gjatë luftës
A do të votohet Qeveria ditën që do të mbahet seanca konstituive?
Presidenti i vendit, Hashim Thaçi gjatë ditës së sotme ka mbajtur takim me anëtarët e partive të vendit, lidhur me seancën konstituive.
Në këtë takim ishin të pranishëm zyrtarë nga PDK, AAK dhe NISMA por jo edhe nga Vetëvendosja dhe LDK-ja.
Pas këtij takimi, presidenti Thaçi shpalli edhe datën e mbajtjes së seancës konstituive, e cila do të jetë 3 gusht.
Ndonëse data për seancën konstituive tashmë është caktuar, ende nuk ka ndonjë informacion zyrtarë se kur do të votohet Qeveria e re.
Burime brenda koalicionit PAN kanë thënë për Indeksonline se votimi i Qeverisë nuk do të ndodhë ditën që do të mbahet seanca konstituive.
“Ende nuk është vendosur, por nuk besoj se Qeveria do të votohet të njëjtën ditë që do të mbahet seanca konstituive”.
I pyetur se kur do të mbahet mbledhja e kryesisë, ky burim është përgjigjur se gjatë kësaj jave nuk ka më takime dhe se fillimisht duhet të bëhet konstituimi i parlamentit, e pastaj të votohet Qeveria./Indeksonline
