Messi e bind Neymarin të qëndrojë (Foto)

Braziliani Neymar, ka qenë temë diskutimi në mediat botërore ditëve të fundit, pas spekulimeve se mund të largohet nga Barcelona.

Paris Saint Germaini është shumë i interesuar në lojtarin, që është i gatshëm të paguajë klauzolën prej 222 milionë eurove, vetëm për ta transferuar atë në Francë.

Por, sipas asaj që raporton “Sport”, Lionel Messi dhe Luis Suarez e kanë bindur atë që të qëndrojë në “Camp Nou”.

Duket se tashmë Neymar ka marrë vendimin, pasi mbrojtësi i katalanasve, Gerard Pique, mbrëmë postoj në rrjetet sociale “ai do të qëndrojë”. /Gazeta Express/