Edhe dy deputet të LDK-së ia japin votën PAN-it?

Deputetja e LDK-së, Teuta Rugova duket se nuk është e vetmja deputete e kësaj partie që do t’ia fal votën kandidatit  për kryeministër nga koalicioni PAN, Ramush Haradinaj.

Pas deklaratës zyrtare të Teuta Rugovës se do ta votoj Haradinajn për kryeministër, “Arbresh.info” mëson se janë edhe dy deputet të tjerë të LDK-së që do të ndjekin rrugën e Rugovës.

Burimeve të “Arbresh.info bëjnë të ditur se edhe dy deputetë të tjerë të LDK-së do t’ a votojnë Ramush Haradinajn për kryeministër.

Të njëjtat burime bëjnë me dije se këta dy deputet, duke mos cekur emra do të rreshtohen pas  qëndrimit të Teuta Rugovës.

Ky vendim vjen me arsyetimin për mos bllokim të shtetit nga ngërçi politik.

Madje bëhet e ditur se LDK gjatë qeverisjes do t’i votoj të gjitha ligjet që do të dërgohen në kuvend.

Ndryshe, një ditë më parë deputeti i PDK-së, Bekim Haxhiu në një nga mediat vendore ka  thënë se koalicioni PAN i ka votat e nevojshme për ta bërë qeverinë, dhe tashmë kjo çështje  është e përfunduar.

Ai e kishte  vlerësuar aksidentale rritjen e Lëvizjes Vetëvendosje në zgjedhjet e 11 qershorit.

“Ky grupimi me koalicione edhe rreth LDK-së e PDK-së, ka bërë që një pjesë e votave në mënyrë aksidentale të shkojë te Vetëvendosje, dhe të kemi një rritje aksidentale. Këto grupime kanë prodhuar një gjë të tillë”, pati thënë Haxhiu./ Arbresh.info/