Peci dorëzohet para presionit publik: Anulon grantet për këshilltarin e tij dhe
Katër komuna të rajonit të Prishtinës me borxhe milionëshe, mes tyre edhe Podujeva
Milionëshe janë shifrat e të hyrave vetjake dhe të detyrimeve ndaj të tjerëve që kanë 4 komunat e rajonit të Prishtinës. Qeveritë komunale të Podujevës, Fushë-Kosovës, Obiliqit e Graçanicës, nuk duket se kanë ndonjë plan se si t’i arkëtojnë mjetet që të tjerët ua kanë borxh atyre, po as borxhet që i kanë komunat ndaj furnitorëve, shkruan sot Koha Ditore.
Zyra Kombëtare e Auditimit (ZKA) në raportet e saj vjetore flet për rritje të këtyre borxheve.
Zyrtarët e së njëjtës, tërheqin vërejtjen se menaxhimi i dobët i kontratave rrit rrezikun që shumat të grumbullohen vazhdimisht dhe arkëtimi i mjeteve nga komunat dhe shlyerja e detyrimeve nga këto të fundit të bëhet edhe më problem në të ardhmen.
Zyra Kombtare e Auditorit (ZKA), thotë se edhe llogaritë e arkëtueshme nga taksat për ushtrimin e veprimtarisë janë rritur për 182.907€.
“Në Komunën e Podujevës operojnë 3.119 biznese. Shuma e këtyre llogarive të arkëtueshme po rritet prej vitit në vit. Në vitin 2015 gjendja e llogarive të arkëtueshme ishte 3.434.929€, ndërsa në fund të vitit 2016 është 3.617.836€. Komuna ende nuk ka marr ndonjë vendim me arkëtimin e këtyre borxheve”.
