Vdes mamia llapjane Sanije Topanica, iu ndihmoi grave në lindje gjatë luftës
Dako: Pushuesit nga Kosova janë turistët bazë të plazhit të Durrësit
Kryetari i Bashkisë së Durresit ka sqaruar pozicionin e tij dhe të institucionit që ai drejton lidhur me ndalimin e autobusëve nga Kosova për të qarkulluar në rrugën “Pavarësia”, shkruan sot Koha Ditore.
Në një konferencë për mediet, të mërkurën në mesditë, kryetari i bashkisë së Durrësit, ka bërë të ditur se autobusët kanë disa akse në dispozicion për të shkuar në plazhin e Durrësit, por ndoshta sipas tij, shoferët e autobusëve duke mos qenë në dijeni të këtyrë akseve të reja, krijohet kaos.
Kreu i Bashkisë së Durrësit ka shprehur bindjen që e ardhmja e Durrësit janë turistët nga Kosova, ndaj, sipas Dakos, duan t’i japin mundësinë që ata të vijnë të bëjnë turizëm siç bëhet në çdo vend të botës. Kryebashkiaku Vangjush Dako shprehu keqardhjen për zërat që thonë se diskriminohen pushuesit nga Kosova pasi sipas kryebashkiakut, pushuesit nga Kosova janë turistët bazë të plazhit të Durrësit dhe ata kanë mirëpritur historikisht këta vizitorë.
